საერთასორისო საზღვაო მომზადების ცენტრი უზრუნველყოფს:

• მოქმედი ქართველი და უცხოელი მეზღვაურების გადამზადებასა და სერტიფიცირებას;
• საზღვაო სპეციალობის დაუფლების მსურველ მოქალაქეთა მომზადებას საერთაშორისო მოთხოვნების შესაბამისად.

საერთაშორისო საზღვაო მომზადების ცენტრში სახელობო განათლების საფეხურზე სწავლის ხანგრძლივობაა:

• IX კლასის ბაზაზე - 3 წელი;
• საშუალო განათლების ბაზაზე - 1 წელი.

მეორადი პროფესიის დაუფლების მსურველთათვის მუშაობს 9 თვიანი კურსები, სადაც სწავლობენ 22 წელს გადაცილებული პირები. კურსებზე მიღება წარმოებს წელიწადში სამჯერ.

ცენტრში კვალიფიკაციას იმაღლებენ და სერტიფიცირებას გადიან მეზღვაურები:

1. თურქეთიდან,
2. საბერძნეთიდან,
3. აზერბაიჯანიდან,
4. უკრაინიდან,
5. სირიიდან,
6. ლიბანიდან.

სწავლების ხარისხის ამაღლების მიზნით 2002 წლის 28 მარტს შეიქმნა შპს საერთაშორისო საზღვაო საწვრთნელი ცენტრი ,,მერკური” (ამჟამად - ,,საერთაშორისო საზღვაო მომზადების ცენტრი"). ცენტრის სრული დაპროექტება და მოწყობა თანამედროვე საწვრთნელი სისტემებით განახორციელა ცნობილმა ინგლისურმა კომპანიამ ”Transas Eurasia’’-მ, რომელიც ახორციელებს სატრენაჟორო დანადგარებისა და სისტემების წარმოებას.

საწვრთნელ ცენტრში დამონტაჟებულია:

1. Navi -Trainer RADAR/ARPA/ECDIS Pro 3000
2. RADAR/ARPA Module Simulator
3. Engine Room Simulator ERS 2000/3000
4. GMDSS Simulator TGS 410
5. Liquid Cargo Handling Simulator LCHS 2000

ცენტრში მოქმედებს შემდეგი საწვრთნელი კურსები:

1. ’”კაპიტნის ხიდურზე გუნდური მართვა”
2. ”გემის მართვის მანევრირება” ;
3. ”საგუშაგოზე მორიგეობის სამსახურის ორგანიზაცია”;
4. ”ხანძრის თავიდან აცილება და ხანძართან ბრძოლა”;
5. ”ხანძართან ბრძოლის გაფართოებული კურსი”;
6. ”პირველადი სამედიცინო დახმარების გაწევა”;
7. ”პირადი უსაფრთხოება და საზოგადოებრივი პასუხისმგებლობა”;
8. ”სამაშველო საშუალებების მართვა”;
9. ”საშიში ტვირთების გადაზიდვა”;
10. ”ნედლი ნავთობით ტანკების რეცხვა”;
11. ”ინერტული გაზების სისტემის გამოყენება”;
12. ”გემის უსფრთხო ექსპლუატაციის მართვა და ზღვის დაბინძურების აცილება”;
13. ”კავშირგაბმულობის გლობალური საზღვაო სისტემა უბედურების შემთხვევაში”;
14. ”სამანქანო განყოფილებაში გუნდური მართვა”.

ტანკერზე სამუშაოების წარმოების სამი სახის კურსები:

1. ტანკერზე სამუშაოების წარმოების გაცნობითი კურსი;
2. ტანკერზე, ტანკერქიმმზიდებზე, ტანკერაირმზიდებზე სამუშაოების წარმოების გაფართოებულიი კურსი;
3. ტანკერზე სატვირთო და საბალასტო ოპერაციების წარმოების კურსი.